Ձեր վստահելի աղբյուրը

Ադրբեջանում իրավապաշտպանների նկատմամբ համատարած հալածանքների վերաբերյալ Index on Censorship, Human Rights House Foundation և People in Need միջազգային կազմակերպությունները նամակ են ուղղել Եվրոպայի խորհրդի գլխավոր քարտուղար Թորբյորն Յագլանդին՝ այս դեպքերի կապակցությամբ վերջինիս հայտարարության առնչությամբ։

Վերոնշյալ միջազգային կազմակերպություններն իրենց նամակում հիասթափություն են հայտնում գլխավոր քարտուղարի հայտարարությունից, որում ասվում էր, որ Ալիևի հետ հեռախոսազրույցում պայմանավորվել են ստեղծել հանձնաժողով՝ կազմված նախագահի աշխատակազմի և քաղաքացիական հասարակության ներկայացուցիչներից, որը պետք է ուսումնասիրի իրավապաշտպանների նկատմամբ առաջադրված մեղադրանքները։

«Դուք այսպիսի հայտարարությունն անում եք Ադրբեջանի ղեկավարների կողմից քաղաքացիական հասարակության աննախադեպ ճնշումների պահին։ Մենք հիասթափված ենք, որ Դուք ձեռնպահ եք մնում իրավապաշտպանների նկատմամբ առաջադրված մեղադրանքների ցանկացած հրապարակային մեկնաբանություից։

Մենք զարմացած ենք, որ Դուք հրապարակային կոչ չարեցիք ազատ արձակել մարդու իրավունքների պաշտպաններին, գոնե նախնական կալանքից, որը անհրաժեշտ չէ և վտանգ է ներկայացանում իրավապաշտպաների՝ Լեյլա Յուուսի, Ինթիգամ Ալիևի և Արիֆ Յունուսի առողջությանը։ Մեզ համար անհասկանալի է, թե ինչ հանձնաժողովի մասին եք խոսում, մենք հասկանում ենք, որ այն, ըստ էության 2005թ․-ին ստեղծված քաղաքական բանտարկյալների հարցով աշխատանքային խումբն է։

Այն մարդիկ, ովքեր վերջին տարիներին աշխատում էին Ադրբեջանում քաղաքական բանտարկյալների և մարդու իրավունքների հարցերով, այժմ ճաղերի ետևում են կամ հեռացել են երկրից՝ անվտանգության նկատառումներով։
Քաղաքացիական հասարակությունն Ադրբեջանում աճել էր և վերջին տասնամյակում ստեղծվել էին ոլորտի պրոֆեսիոնալներ, ինչպիսին էր «Լրագրողների ազատության և անվտագության ինստիտուտը», որը փակվեց, մինչ Դուք խոսում էիք նախագահ Ալիևի հետ։

Ո՞վ պետք է ընտրի ձեր նշած աշխատանքային խմբում քաղաքացիական հասարակության անդամներին։ Այս պայմաններում երկխոսության հարթակի ստեղծումը՝ կառավարության կողմից առանց առաջին քայլի կատարման, որը նշանակում է իրավապաշտպանների անհապաղ և առանց նախապայմանների ազատ արձակում, կլինի անարդյունավետ։

Ինչպե՞ս պետք է այս խումբը գործի՝ առանց իրավապաշտպանների և առանց հիմնական պրոֆեսիոնալների, ովքեր այժմ բանտարկված կամ կալանավորված են։  Կարիք չկա անգամ խորանալու իրավապաշտպաներին առաջադրված մեղադրանքների մեջ, դրանք ուղղակի պետք է կարճվեն, քանի որ անհիմն են և անարդար, հղում են անում այնպիսի օրենքների վրա, որոնք դե ֆակտո քրեականացնում են իրավապաշտպանների գործունեությունը։

Որպես գլխավոր քարտուղար՝ այնպիսի տպավորություն ստեղծեցիք, որ պաշտպանում եք այն քաղաքականությունը, որ կառավարությունները կարող են ընտրել իրենց քաղաքացիական հասարակությանը, որը լռեցնում է քննադատող ձայները և խթանում կառավարությանը հավատարիմ ձայներին։ Այս քաղաքականությունը հակասում է Եվրոպայի խորհրդի արժեքներին։
Ադրբեջանում հետապնդման ենթարկված և ձերբակալված իրավապաշտպաններն այն մարդիկ են, ովքեր տեղեկացնում և համագործակցում էին Եվրոպայի խորհրդի, այդ թվում Ձեզ հետ։

2014թ․-ի հունիսին, երբ նախագահ Ալիևը ելույթ էր ունենում ԵԽԽՎ նիստում, Էմին Հուսեյնովը, Ռասուլ Ջաֆարովը և Ինթիգամ Ալիևը միասին Ստրասբուրգում կազմակերպել էին բողոքի ակցիա և քննադատում էին Ադրբեջանում մարդու իրավունքների ցածր մակարդակը։ Հալածանքների այս ալիքը կապված է ԵԽ նախարարների կոմիտեում Ադրբեջանի նախագահության հետ։
Մենք հավատում ենք, որ Ձեր դերն է պաշտպանել Եվրոպայի խորհրդի կառույցները՝ ներառյալ նրանց, ովքեր համագործակցում են Ձեր հետ։  Մենք, ուստի, ափսոսում ենք, որ Դուք չօգտագործեցիք Ձեր ազդեցությունը և Ձեր գրասենյակի ուժը՝ կոչ անելու անհապաղ և առանց նախապայմաննների ազատ արձակել իրավապաշտպաններին և չդատապարտեցիք նրանց կալանքը»,-ասվում է Եվրոպայի խորհրդի գլխավոր քարտուղարին ուղղված նամակում։

Նախորդող`
«Յունուսին առաջադրված մեղադրանքը` վրեժ Հայաստանի և Ադրբեջանի հաշտեցմանն ուղղված նրա աշխատանքի համար»
ԵԽ հանձնակատարը դատապարտում է Ադրբեջանում Լեյլա Յունուսի ձերբակալումը
ԵԽ գլխավոր քարտուղարը Լեյլա Յունուսի ձերբակալման վերաբերյալ իր մտահոգությունն է հայտնել Մամեդյարովին
Քեթրին Էշթոնը և Շտեֆան Ֆյուլեն դատապարտել են Լեյլա Յունուսի ձերբակալությունը